Reliance scholarship :
ప్రతిభ ఉండి ఆర్థిక పరిస్థితుల వల్ల ఉన్నత విద్య చదవలేకపోతున్న విద్యార్థులకు గుడ్‌న్యూస్‌. డిగ్రీ విద్యార్థులకు రిలయన్స్ ఫౌండేషన్ (Reliance Foundation) స్కాలర్‌షిప్స్ అందిస్తోంది. రిలయన్స్ ఫౌండేషన్ అండర్‌గ్రాడ్యుయేట్ స్కాలర్షిప్ (Undergraduate Scholarship) ప్రోగ్రామ్ కింద 5,000 మంది ప్రతిభావంతులైన విద్యార్థులకు స్కాలర్షిప్ ప్రకటించింది. ప్రతిభగల విద్యార్థులు ఆర్థికంగా ఇబ్బందులు ఎదుర్కోకుండా తమ విద్యాభ్యాసాన్ని కొనసాగించేందుకు ఈ స్కాలర్షిప్ ఉపయోగపడుతుంది. రిలయన్స్ ఫౌండేషన్ అందిస్తున్న స్కాలర్‌షిప్స్‌కు దరఖాస్తు ప్రక్రియ కూడా ప్రారంభమైంది. 2023 ఫిబ్రవరి 14 లోగా దరఖాస్తు చేసుకోవాల్సి ఉంటుంది.
ఈ స్కాలర్షిప్ కోసం దరఖాస్తు చేసే విద్యార్థుల కుటుంబ వార్షికాదాయం రూ.15 లక్షల లోపే ఉండాలి. ఏదైనా విభాగంలో అండర్‌గ్రాడ్యుయేట్ కోర్స్ చదువుతూ ఉండాలి. డిగ్రీ మొదటి సంవత్సరంలో చదువుతున్నవారు ఈ స్కాలర్షిప్ కోసం దరఖాస్తు చేయొచ్చు. ఇంటర్మీడియట్ లేదా 12వ తరగతిలో 60 శాతం మార్కులతో ఉత్తీర్ణులై ఉండాలి. ఫుల్ టైమ్ అండర్ గ్రాడ్యుయేట్ కోర్సులో ఎన్‌రోల్‌ అయి ఉండాలి. భారతీయ విద్యార్థులు మాత్రమే ఈ స్కాలర్‌షిప్‌కు దరఖాస్తు చేసుకోవాల్సి ఉంటుంది. బాలికలు, దివ్యాంగులకు ప్రాధాన్యం ఉంటుంది. ఎంపికైనవారికి కోర్సు పూర్తి చేసేవరకు రూ.2 లక్షల వరకు స్కాలర్షిప్ లభిస్తుంది. స్కాలర్‌షిప్‌తో పాటు వైబ్రంట్ అల్యూమ్నీ నెట్వర్క్‌లో భాగస్వాములవుతారు. తర్వాత కూడా ఉన్నత విద్య అభ్యసించడానికి కావాల్సిన సపోర్ట్ లభిస్తుంది.
ఇలా అప్లయ్‌ చేసుకోవాలి:
https://scholarships.reliancefoundation.org/UG_Scholarship.aspx
వెబ్‌సైట్‌ ఓపెన్ చేయాలి. వివరాలన్నీ చదివిన తర్వాత Click Here to Apply పైన క్లిక్ చేయాలి. పేరు, విద్యార్హతలు, ఇతర వివరాలు ఎంటర్ చేయాలి. అవసరమైన డాక్యుమెంట్స్ జత చేసి సబ్‌మిట్‌ చేయాలి. యాప్టిట్యూడ్ టెస్ట్, ఫస్ట్ లెవెల్ సెలక్షన్, ఫైనల్ సెలక్షన్ ద్వారా ఈ స్కాలర్‌షిప్‌నకు ఎంపిక చేస్తారు.
ONGC : విద్యార్థులకు ఏడాదికి రూ.48,000 స్కాలర్షిప్.. బీటెక్‌, డిగ్రీ, పీజీ విద్యార్థులు అప్లయ్‌ చేసుకోవచ్చు
ONGC Scholarships : ఆయిల్‌ అండ్‌ నేచురల్‌ గ్యాస్‌ కార్పొరేషన్‌ లిమిటెడ్‌ (ONGC) 2021-22 విద్యా సంవత్సరానికిగాను కింది స్కాలర్‌షిష్‌ల కోసం అర్హులైన అభ్యర్థుల నుంచి దరఖాస్తులు కోరుతోంది. ఈ ప్రకటన ద్వారా 2000 స్కాలర్‌షిప్‌లు అందించనుంది. వివరాల్లోకెళ్తే..
ONGC Scholarships 2021-22
స్కాలర్షిప్ స్కీం ఎస్సీ/ ఎస్టీ విద్యార్థులు: 1000
స్కాలర్షిప్ స్కీం ఓబీసీ విద్యార్థులు: 500
స్కాలర్షిప్ స్కీం జనరల్/ ఈడబ్ల్యూఎస్‌ విద్యార్థులు: 500
ముఖ్య సమాచారం:
అర్హత:
ఇంజినీరింగ్‌/ ఎంబీబీఎస్‌/ మాస్టర్స్‌ డిగ్రీ/ ఎంబీఏ ఉత్తీర్ణత ఉండాలి. 2021-22 విద్యా సంవత్సరానికి ప్రవేశాలు పొందిన అభ్యర్థులు దరఖాస్తు చేసుకోవాలి. జనరల్, ఓబీసీ, ఎస్సీ, ఎస్టీ అభ్యర్థులు ఈ ఉపకారవేతనాలు పొందడానికి అర్హులు. విద్యార్థుల వయసు 30 సంవత్సరాలలోపు ఉండాలి. విద్యార్థుల కుటుంబ వార్షికాదాయం రూ.2 లక్షల్లోపు ఉండాలి. ఆన్‌లైన్ ద్వారా దరఖాస్తులు సమర్పించాల్సి ఉంటుంది. ఎంపికైన విద్యార్థులకు ఏడాదికి రూ.48,000 స్కాలర్షిప్ అందుతుంది.
ఎంపిక విధానం:
అకడమిక్‌ మార్కులు, క్వాలిఫైయింగ్‌ పరీక్ష ఆధారంగా తుది ఎంపిక చేస్తారు.
దరఖాస్తులకు చివరి తేది:
మార్చి 06, 2023.
పూర్తి వివరాలకు వెబ్‌సైట్‌:
