Healthy Foods : ఉదయాన్నే తీసుకునే ఫుడ్స్ రోజంతా యాక్టివ్‌గా ఉండేలా అనిపించాలి. అందుకే మంచి ఫుడ్స్ తీసుకోవడం మంచిది. దీంతో ఏ పని చేసినా అలుపు లేకుండా ఉంటుంది. మరి అలాంటి ఫుడ్స్ ఏంటో ఇప్పుడు చూద్దాం.
రాత్రి డిన్నర్ చాలా మంది లైట్‌గా తింటారు. ఇదే ఆరోగ్యానికి చాలా మంచిది కూడా. ఆ తర్వాత రాత్రి నుంచి ఉదయం వరకూ ఏం తినకుండా ఉంటారు. అంటే నిద్రలోనే ఉపవాసం ఉన్నట్లు. అందుకే ఉదయాన్నే తినే ఫుడ్స్ మనకి ఎనర్జీ ఇచ్చేలా ఉండాలి. నేడు ప్రతి ఒక్కరూ బిజీగానే ఉంటున్నారు. క్షణం తీరిక లేకుండా బిజీబిజీగా గడుపుతున్నారు. అలాంటి వారు వారి హెల్త్ విషయంలో జాగ్రత్తలు తీసుకోవాలి. మంచి ఫుడ్స్ తీసుకోవాలి. అలాంటి ఫుడ్స్ గురించి తెలుసుకుందాం.
ప్రోటీన్ బార్స్..
ముందుగా చెప్పినట్లు ప్రోటీన్ ఆరోగ్యానికి చాలా మంచిది. అందుకే ప్రోటీన్ బార్స్ కూడా తినొచ్చు. వీటిని తీసుకోవడం వల్ల మీకు అప్పటికప్పుడే శక్తిని అందిస్తుంది. మీరు జర్నీలో ఉన్నప్పుడు కూడా వీటిని క్యారీ చేసి తినొచ్చు. కావాలంటే వీటిని స్నాక్ టైమ్‌లో తినొచ్చు.
Also Read : Small Bedroom : చిన్నగా ఉన్న బెడ్‌రూమ్‌ని ఇలా సర్దితే పెద్దగా కనిపిస్తుంది..
అవిసెలు..
అదేంటి అవిసెలను ఎలా తినాలి అనుకోవద్దు. వీటిని పొడిలా చేసి ఉప్మా, ఇడ్లీ, సలాడ్‌పై చల్లి ఇలా ఎలా అయినా తీసుకోవచ్చు. వీటిని మీ డైట్‌లో చేర్చడం వల్ల ఇమ్యూనిటీ పెరుగుతుంది. ఇందులోని ఒమేగా 3 ఫ్యాటీ యాసిడ్స్ మీ గుండెకి ఆరోగ్యాన్నిస్తాయి. కాబట్టి కచ్చితంగా వీటిని మీ డైట్‌లో చేర్చుకోండి.
Also Read : పెళ్ళికి ముందు ఆ ప్రాబ్లమ్ ఉందని నా భర్త చెప్పలేదు.. విడాకులు తీసుకోనా..
గుడ్లు..
మార్నింగ్ ప్రోటీన్ తీసుకోవడం చాలా మంచిది. దీని వల్ల బరువు కూడా త్వరగా తగ్గుతారని నిపుణులు చెబుతున్నారు. గుడ్లు ప్రోటీన్‌కి బెస్ట్ సోర్స్. దీంతో పాటు మాంసకృత్తులు, విటమిన్లు, మినరల్స్ ఎక్కువగా ఉంటాయి. వీటిని తినడం వల్ల రోజంతా యాక్టివ్‌గా ఉంటారు.
Also Read : Potatoes storing : బంగాళదుంపల్ని ఉల్లిగడ్డలతో కలిపి స్టోర్ చేస్తున్నారా..
హోల్ గ్రెయిన్ బ్రెడ్..
నార్మల్ బ్రెడ్ కంటే హోల్ గ్రెయిన్ బ్రెడ్ తింటే ఎన్నో లాభాలు ఉంటాయి. ఎందుకంటే నార్మల్ బ్రెడ్ కంటే ఇందులో ఫైబర్ ఎక్కువగా ఉంటుంది. విటమిన్ ఇ, బి కాంప్లెక్స్ ఎక్కువగా ఉంటాయి. ఇవన్నీ కూడా మీ హెల్త్‌కి చాలా మంచివి. ఈ బ్రేక్‌ఫాస్ట్ త్వరగా అవుతుంది కూడా. వీటిని కొన్ని ఆకుకూరలతో కలిపి తీసుకోవచ్చు. హెల్దీగా టోస్ట్‌లా చేసి తినొచ్చు. వీటిని ఎలా తిన్నా మంచిది. కానీ, ఎక్కువగా స్వీట్‌గా తినొద్దొని గుర్తుపెట్టుకోండి.
మొలకలు..
మొలకలు తినడం కూడా చాలా మంచిది. వీటిలో ఎక్కువగా ప్రోటీన్, ఫైబర్, విటమిన్ సి ఉంటాయి. ఇవి తినడం వల్ల కడుపు నిండుగా ఫీల్ వస్తుంది. అదే విధంగా మలబద్దకం సమస్య దూరమవుతుంది. జీవక్రియను పెంచడంలో కూడా సాయపడతాయి.
గమనిక:
ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
