లెజండ్రీ సింగ‌ర్ వాణీ జయరాం (78) శ‌నివారం క‌న్నుమూశారు. చెన్నైలోని నుంగంబాకం ప్రాంతంలోని ఆమె నివాసంలో ఆప‌స్మార‌క స్థితిలో ప‌డి చ‌నిపోయార‌ని ప్రాథ‌మికంగా అంద‌రూ భావించారు. కానీ ఇప్పుడు పని మనిషి చెబుతున్న వివ‌రాలు చూస్తుంటే వాణీ జయరాం మృతిపై అనుమానాలు క‌లుగుతున్నాయి. వాణీ జ‌య‌రామ్ ముఖంపై ఎవ‌రో కొట్టిన‌ట్లుగా గాయాలున్నాయ‌ని, నుదురు, ముఖంపై బ‌ల‌మైన గాయాలున్న‌ట్లు తాను చూశాన‌ని పని మనిషి చెబుతుంది. ఆమె చెబుతున్న వివరాల మేరకు..
పొద్దున ఎంత సేపు బెల్ కొట్టినా ఆమె తలుపు తీయలేదు. దీంతో పని మనిషి, స్థానికుల సాయంతో తలుపులు బద్దలు కొట్టి లోపలకి వెళ్లింది. అప్పుడు ఇంట్లోనే వాణీ జయరాం స్ప‌హ లేకుండా ప‌డి ఉండ‌టాన్ని గ‌మ‌నించిన పని మనిషి, స్థానికులు పోలీసుల‌కు స‌మాచారాన్ని అందించి ఆమెను హాస్పిట‌ల్‌కి త‌ర‌లించారు. హాస్పిట‌ల్‌కు వెళ్లిన త‌ర్వాత చెక్ చేసిన డాక్ట‌ర్స్ అప్ప‌టికే వాణీ జయరాం చ‌నిపోయార‌ని తెలిపారు. ఆమె ఇంటిని పోలీసులు అదుపులోకి తీసుకున్నారు. అక్క‌డున్న సీసీ టీవీ ఫుటేజ్‌ను పోలీసులు ప‌రిశీలిస్తున్నారు. మ‌రి ద‌ర్యాప్తులో పోలీసులు ఏమంటారో చూడాలి.
వాణీ జయరాం అసలు పేరు కలైవాణి. దక్షిణ భారతదేశానికి చెందిన సినిమా నేపథ్యగాయకురాలుగా తనదైన గుర్తింపును సంపాదించుకున్నారీమె. 1971లో తన ప్రస్థానాన్ని ప్రారంభించి ఐదు దశాబ్దాలుగా కొనసాగిస్తున్నారు. ఆమె సుమారు వేయి సినిమాలలో పది వేల పాటలకు పైగానే పాడారు. సినిమాలతో పాటు వేల సంఖ్యలో భక్తి గీతాలను కూడా ఆమె ఆలపించారు. తెలుగు, తమిళం సహా 19 భాషల్లో ఆమె పాటలు పాడటం విశేషం. మూడుసార్లు జాతీయ ఉత్తమ గాయనిగా అవార్డులను పొందారు. పాడిన తొలి పాటకే ఐదు అవార్డులు వచ్చాయి.
ALSO READ:
Prabhas – Salaar: ఏప్రిల్‌లో ఫ్యాన్స్‌కి డార్లింగ్ ‘స‌లార్‌’ ట్రీట్‌.. డేట్ ఫిక్స్‌!
ALSO READ:
Kantara: ‘కాంతార’ మరో రికార్డ్.. చిరంజీవి సినిమానే క్రాస్ చేసిన డ‌బ్బింగ్ సినిమా
ALSO READ:
Jr Ntr: క‌ళ్యాణ్ రామ్‌కి మ‌ళ్లీ యంగ్ టైగ‌ర్ స‌పోర్ట్‌.. సెంటిమెంట్ వ‌ర్క‌వుట్ అయ్యేనా!
Read Latest
Tollywood updates and
