DA Hike: కేంద్ర ప్రభుత్వ ఉద్యోగులకు గుడ్‌న్యూస్. మరోసారి వారికి డియర్‌నెస్ అలవెన్స్ (Dearness Allowance)/ కరవు భత్యం భారీగా పెరగనుంది. ప్రస్తుతం డీఏ 38 శాతంగా ఉండగా.. దీనిని మరో 4 శాతం పెంచి.. 42 శాతానికి చేర్చనున్నట్లు తెలుస్తోంది. ఈ దిశగా కేంద్ర ప్రభుత్వం ఆలోచించనున్నట్లు విశ్వసనీయ వర్గాలు వెల్లడించాయి. దీంతో ఏకంగా కోటిమందికిపైగా కేంద్ర ప్రభుత్వ ఉద్యోగులు, పెన్షనర్లు ప్రయోజనం పొందనున్నారు. సాధారణంగా కరవు భత్యం.. ద్రవ్యోల్బణం ఆధారంగా నిర్ణయిస్తుంటారు. దీనిని కార్మిక మంత్రిత్వ శాఖ విభాగం లేబర్ బ్యూరో విడుదల చేసిన వినియోగదారుల ధరల ద్రవ్యోల్బణం (CWI) ఆధారంగా లెక్కలోకి తీసుకుంటారు.
ఈ మేరకు ఆల్ ఇండియా రైల్వేమెన్ ఫెడరేషన్ జనరల్ సెక్రటరీ శివ గోపాల్ మిశ్రా దీని గురించి కీలక వ్యాఖ్యలు చేశారు. 2022 డిసెంబర్‌కు సంబంధించి CPI.. 2023, జనవరి 31న విడుదలైందని చెప్పారు. ఈ లెక్కన చూస్తే కరవు భత్యం 4.23 శాతం మేర పెరగాలని ఆయన వెల్లడించారు. అయితే డెసిమల్ పాయింట్స్ కేంద్రం పరిగణనలోకి తీసుకోదని, దీనిని బట్టి ప్రస్తుతం ఉన్న 38 నుంచి 42 శాతానికి పెరగొచ్చని ఆశాభావం వ్యక్తం చేశారు.
భారీగా కుప్పకూలిన బంగారం, వెండి ధరలు.. భలే మంచి ఛాన్స్.. ఇవాళ్టి రేట్లు ఇవే..
అయితే ఈ డీఏ పెంచేందుకు ఆర్థిక మంత్రిత్వ శాఖ ఒక ప్రతిపాదన పంపాల్సి ఉంటుందని, దీనిపై కేంద్ర కేబినెట్ నిర్ణయం తీసుకోవాల్సిన ఉంటుందని మిశ్రా వెల్లడించారు. కేంద్రం ఆమోదం పొందితే గనుక.. డీఏ ఇక పెరగనుందని తెలిపారు. అయితే.. డీఏ ఇప్పుడు మార్చిలో పెంచినా.. అది 2023, జనవరి 1 నుంచి అమల్లోకి వస్తుంది. సాధారణంగా డీఏ ఎప్పుడూ జనవరి 1, జులై 1న పెంచడం లేదా తగ్గించడం చేస్తుంటుంది. అయితే.. ఇప్పుడు మార్చి, సెప్టెంబర్‌లో సమావేశం పెంచుతూ.. వాటిని జనవరి, జులై 1 తేదీల నుంచి అమలు చేస్తూ వస్తోంది కేంద్రం.
హిండెన్‌బర్గ్ ఎఫెక్ట్.. అదానీ షేర్ల పతనం.. భారత్‌తో సవాల్ వద్దంటూ ఆనంద్ మహీంద్రా
చివరిగా 2022, సెప్టెంబర్‌ 28న కేంద్ర ప్రభుత్వం ఉద్యోగులకు డీఏను 4 శాతం పెంచింది. అయితే దీనిని జులై 1 నుంచి అమల్లోకి తెచ్చింది. అంతకుముందు 34 శాతంగా ఉండగా.. దానిని 38 శాతానికి చేర్చింది. అసలు డీఏను ఏటా రెండు సార్లు సవరించాల్సి ఉంటుంది.
Read Latest
Business News and Telugu News
Also Read:
97618960
97550561
