Monthly Income: పోస్టాఫీస్‌లో ప్రతి నెలా రాబడి అందించే ఉన్న స్కీమ్ గురించి తెలుసా? ఒకేసారి ఇన్వెస్ట్ చేసి నెల నెలా రాబడి కోరుకునే వారికి ఇది సరైన ఆప్షన్‌గా చెప్పవచ్చు. ఈ స్కీమ్‌లో గతంలో ఉన్న లిమిట్ సైతం పెరిగింది. కేంద్ర ప్రభుత్వం బడ్డెట్‌ 2023లో మధ్య తరగతి ప్రజలకు మహిళల కోసం కొత్త స్కీమ్ ప్రకటించడంతో పాటు పలు పథకాల్లో ఉన్న ఇన్వెస్ట్‌మెంట్ పరిమితిని పెంచింది. దీంతో ఎక్కువ మొత్తంలో పొదుపు చేసుకోవాలనుకునే వారికి మంచి అవకాశం లభించినట్లయింది. పోస్టాఫీస్ మంత్లీ ఇన్‌కమ్ స్కీమ్ కూడా ఇన్వెస్ట్‌మెంట్ లిమిట్ పెరిగింది. గతంలో రూ.4.5 లక్షలగా ఉన్న లిమిట్‌ను రూ.9 లక్షలకు పెంచుతున్నట్లు ఆర్థిక మంత్రి నిర్మలా సీతారామన్ బడ్జెట్‌లో ప్రకటించారు. మరోవైపు.. జాయింట్ అకౌంట్ ఉన్నట్లయితే రూ.15 లక్షల వరకు ఇన్వెస్ట్ చేయొచ్చని తెలిపారు.
పోస్టాఫీస్ మంత్లీ ఇన్‌కమ్ స్కీమ్‌ను ఎక్కువగా సీనియర్ సిటిజన్స్ వినియోగిస్తుంటారు. ఎలాంటి రిస్క్ లేకుండా నెల నెలా చేతికి ఇంత అని డబ్బులు అందుతాయి. ప్రస్తుతం ఈ పథకంలో చేరిన వారికి 7.1 శాతం వడ్డీ వస్తోంది. ప్రతి నెలా వడ్డీ డబ్బులు చెల్లిస్తారు. మరోవైపు.. వడ్డీ మొత్తాన్ని విత్ డ్రా చేసుకోని పక్షంలో దానిపై ఎలాంటి వడ్డీ ఇవ్వరు. అందు వల్ల నెల నెలా వడ్డీ డబ్బులను ఖాతా నుంచి ఉపసంహరించుకోవాలి. 10 ఏళ్లకుపైగా వయసున్న వారు ఎవరైనా ఈ స్కీమ్‌లో చేరవచ్చు.
అదానీకి యూపీ సర్కార్ ఝలక్.. రూ.5,400 కోట్ల స్మార్ట్ మీటర్ బిడ్ క్యాన్సల్!
ఈ మంత్లీ ఇన్‌కమ్ స్కీమ్‌లో రూ.లక్ష చేసినట్లయితే.. మీకు ప్రతి నెలా రూ.592 వస్తాయి. అదే రూ.2 లక్షలు చేస్తే రూ.1183 పొందొచ్చు. 5 లక్షలు ఇన్వెస్ట్ చేస్తే రూ.2958 ప్రతి నెలా అందుతాయి. రూ. 9 లక్షలకు రూ.5,325, రూ.10 లక్షలు అయితే రూ.5,916 పొందవచ్చు. గరిష్ఠంగా జాయింట్ అకౌంట్ ఉన్నవారు రూ.15 లక్షలు గనక ఈ మంత్లీ స్కీమ్ లో ఇన్వెస్ట్ చేసినట్లయితే రూ.8875 నెల నెలా మీ ఖాతాలోకి వచ్చి చేరుతాయి. ఈ స్కీమ్ మెచ్యూరిటీ సమయం ఐదేళ్లు మాత్రమే.
Read Latest
Business News and Telugu News
నష్టాల్లోనూ అదుర్స్.. టాప్ ట్రెండింగ్‌లోకి ‘లిక్కర్’ స్టాక్.. ఇన్వెస్టర్లకు కాసుల పంట!
భారీగా తగ్గుతున్న బంగారం ధరలు.. ఇదే మంచి ఛాన్స్.. హైదరాబాద్‌లో తులం ఎంతంటే?
డెబిట్ కార్డ్ అవసరం లేదు.. ఆధార్‌తోనే ‘యూపీఐ’ యాక్టివేట్.. ఇలా చేసుకోండి..
