నందమూరి కళ్యాణ్ రామ్, నూతన దర్శకుడు రాజేంద్ర కాంబినేషన్‌లో తెరకెక్కిన మూవీ ‘అమిగోస్’. డిఫరెంట్ కాన్సెప్ట్‌తో రూపొందిన ఈ మూవీపై ఇప్పటికే ప్రేక్షకుల్లో అంచనాలు ఏర్పడ్డాయి. ఇప్పటికే విడుదలైన ట్రైలర్లు, పాటలు కూడా అందుకు దోహదపడ్డాయి. ఇక ప్రస్తుత విషయానికొస్తే.. ఆదివారం రాత్రి అంగరంగ వైభవంగా, అభిమానుల సమక్షంలో జరిగిన ప్రీ రిలీజ్ ఈవెంట్‌కు జూనియర్ ఎన్టీఆర్ గెస్ట్‌గా హాజరయ్యారు. అయితే ఈ వేదికపై కళ్యాణ్ రామ్ కూల్ స్పీచ్ వైరల్ అవుతోంది. ఇందులో వైరల్ కావాల్సిన విషయం ఏముందంటే..
‘వేదికను అలంకరించిన అమిగోస్ టీమ్‌కు, నా గుండెకాయ అయిన నా తమ్ముడికి, మమ్మల్ని ఎప్పుడూ ఆశీర్వదిస్తూ కంటి పాపలాగా కాపాడుకుంటున్న నందమూరి అభిమానులకు నమస్కారాలు’ అంటూ స్పీచ్ మొదలెట్టారు కళ్యాణ్ రామ్. ఇదే క్రమంలో అమిగోస్ గురించి వివరిస్తూ.. ఇండస్ట్రీలో ‘రాముడు భీముడు’ డ్యూయల్ రోల్ మొదలుపెట్టింది తాత గారని చెప్పారు. ఆ తర్వాత చిరంజీవి గారి ముగ్గురు మొనగాళ్లతో పాటు బాబాయ్ బాలయ్య చేసిన ‘రాముడు భీముడు’ చిత్రాలను గుర్తుచేసుకున్నారు. ఇక అమిగోస్ విషయానికొస్తే.. యూనిక్ కాన్సె్ప్ట్‌తో రాజేంద్ర ఈ సినిమాను కమర్షియల్‌గా తీర్చిదిద్దినట్లు తెలిపారు.
బింబిసార తర్వాత ఎలాంటి సినిమా చేయాలని ఆలోచించినట్లుగా వెల్లడించారు. అభిమానులకు ఎప్పుడూ కొత్త సినిమా ఇవ్వాలనే ఉద్దేశ్యంతో ప్రతి సినిమాకు కొత్తగా ట్రై చేస్తూనే ఉన్నానన్న కళ్యాణ్ రామ్.. ప్రతిసారి ఆదరించారని, ఈ క్రమంలో ఓ పద్దెనిమిదేళ్లు తనను భరించినందుకు థాంక్స్ చెప్పారు.
అమిగోస్ సినిమా అస్సలు డిజప్పాయింట్ చేయదని చెప్పిన నందమూరి హీరో.. చిత్ర నిర్మాతలు మైత్రీ మూవీ మేకర్స్‌‌పై ప్రశంసలు కురిపించారు. ఈ సంస్థ తనకు ఎన్టీఆర్ ఆర్ట్స్ బ్యానర్‌తో సమానమని పేర్కొన్నారు. వారితో అనుబంధం కుటుంబ సభ్యుల మాదిరిగా ఉంటుందన్నారు. అలాగే కెమెరా మ్యాన్ సౌందర రాజన్ పనితీరును మెచ్చుకున్నారు. హీరోయిన్‌తో ఆషికా రాజ్‌కు టాలీవుడ్‌కు వెల్‌కమ్ చెప్పడంతో పాటు నటుడు బ్రహ్మాజీతో తనకున్న అనుబంధాన్ని పంచుకున్నారు.
చివరగా తాను ఏ ఫంక్షన్‌‌కు ఎవరినీ ఏమీ అడగనని కళ్యాణ్ రామ్ తెలిపారు. ప్రతి అడుగులో తన పక్కనే ఉంటూ సపోర్ట్‌గా నిలబడే తమ్ముడు ఎన్టీఆర్‌పై ‘లవ్ యూ నాన’ అంటూ ప్రేమ కురిపించారు. కాగా అమిగోస్ ఫిబ్రవరి 10న విడుదల కానుంది.
Read Latest
Tollywood updates and
