Budh Gochar 2023 జ్యోతిష్యశాస్త్రం ప్రకారం, బుధుడు ఫిబ్రవరి 7వ తేదీన మంగళవారం ధనస్సు రాశి నుంచి నిష్క్రమించి మకర రాశిలోకి సంచారం చేయనున్నాడు. ఇదే రాశిలో సూర్యుడితో కలయిక జరపనున్నాడు.
Budh Gochar 2023 వేద జ్యోతిష్యశాస్త్రం ప్రకారం, సూర్యుడు, బుధుడు కలయిక వల్ల బుధాదిత్య యోగం ఏర్పడుతుంది. ఈ నేపథ్యంలో ఫిబ్రవరి 7వ తేదీన మంగళవారం ఉదయం 7:11 గంటలకు బుధుడు మకర రాశిలోకి ప్రవేశించనున్నాడు. ఈ రాశిలో ఇప్పటికే సూర్యుడు నివాసం ఉంటున్నాడు. ఈ కాలంలో సూర్యుడు, బుధుడు కలిసి బుధాదిత్య రాజ యోగం ఏర్పరచనున్నారు. దీంతో ద్వాదశ రాశులపై కొంత ప్రభావం పడుతుంది. ఈ నేపథ్యంలో కొన్ని రాశుల వారు డబ్బులు ఖర్చు చేసే విషయంలో చాలా జాగ్రత్తగా ఉండాలి. ముఖ్యంగా ఫిబ్రవరి ఏడో తేదీ నుంచి 27వ తేదీ వరకు ఐదు రాశుల వారు చాలా ఇబ్బందులు ఎదుర్కోవాల్సి వస్తుంది. ఇంతకీ ఆ రాశిచక్రాలేవి.. ఆ జాబితాలో మీ రాశి కూడా ఉందేమో చూసి తగిన పరిహారాలను పాటించండి…
వృషభ రాశి (Taurus)..
ఈ రాశి వారికి బుధుడి సంచారం వల్ల మిశ్రమ ఫలితాలొస్తాయి. ఈ కాలంలో కొన్ని కారణాల వల్ల మీ పనులు పెండింగులో పడిపోతాయి. మీరు పెట్టుబడుల విషయంలో జాగ్రత్తగా లేకపోతే, ఆర్థికంగా నష్టపోవచ్చు. ఈ కాలంలో మీరు సుదీర్ఘ ప్రయాణాలు కూడా చేయొచ్చు. ఈ కారణంగా మీ ఆరోగ్యం క్షీణించొచ్చు. ఈ కాలంలో మీ జీవిత భాగస్వామితో ఏదో ఒక విషయంలో విభేదాలు రావొచ్చు.
February Born People ఫిబ్రవరిలో పుట్టిన వారిలో రొమాంటిక్ లక్షణాలు ఎక్కువగా ఉంటాయా..!
కర్కాటక రాశి(Cancer)..
ఈ రాశి వారికి మిశ్రమ ఫలితాలు ఎదురవుతాయి. ఈ కాలంలో మహిళలు చాలా సమస్యలను ఎదుర్కోవాల్సి వస్తుంది. అధిక పనిభారం కారణంగా మీకు ఆరోగ్య పరంగా ప్రతికూలంగా ఉంటుంది. ఈ కాలంలో ఆర్థిక లావాదేవీలు చేయడం మానుకోవాలి. మీ రహస్య విషయాలను ఎవరితోనూ షేర్ చేసుకోకండి. ప్రభుత్వ రంగంలో పని చేసే వ్యక్తులు భయాందోళనలకు గురవుతారు. బుధుడి ప్రభావంతో మీ వ్యాపారంలో సమస్యలు పెరిగే అవకాశం ఉంది. మీ పనిలో కొన్ని ఆటంకాలు ఏర్పడతాయి. ఈ కారణంగా మీరు ఒత్తిడిలో ఉంటారు.
వృశ్చిక రాశి(Scorpio)..
ఈ రాశి వారికి బుధుడి సంచారంతో అనేక సవాళ్లు ఎదురయ్యే అవకాశం ఉంది. ఈ కారణంగా మీ పనిలో ఆటంకాలు ఏర్పడతాయి. మీరు ప్రయాణం చేసే సమయంలో మీ ఖర్చులపై కూడా శ్రద్ధ వహించాలి. లేదంటే రుణాల విషయంలో సమస్యలు పెరగొచ్చు. ఈ కాలంలో ఎవరితోనూ వాదనలు పెట్టుకోవద్దు. ప్రేమ జీవితంలో ఉండేవారు ఈ కాలంలో జాగ్రత్తగా ఉండాలి. మీ భాగస్వామికి హాని కలిగించేలా ప్రవర్తించొద్దు. ఇది మీ సంబంధాన్ని ప్రభావితం చేస్తుంది.
ధనస్సు రాశి (Sagittarius)..
ఈ రాశి నుంచి బుధుడు నిష్క్రమించడం వల్ల ధనస్సు రాశి వారికి శత్రువుల నుంచి సమస్యలు ఎదురుకావొచ్చు. అయితే మీరు తెలివిగా వ్యవహరిస్తే, శుభ ఫలితాలను పొందే అవకాశం ఉంటుంది. ఉద్యోగులు కార్యాలయంలో సహోద్యోగులు, అధికారులతో జాగ్రత్తగా ఉండాలి. మరోవైపు తోబుట్టువులతో సంబంధాలు చెడిపోవచ్చు. కాబట్టి తెలివిగా పనులు చేయాలి.
మకర రాశి (Capricorn)..
ఈ రాశిలోకి బుధుడు సంచారం చేయనున్నాడు. ఈ కాలంలో మీకు అనవసరమైన ఖర్చులు, ప్రయాణాల వల్ల ఇబ్బందులు పెరగొచ్చు. పాత ఆరోగ్య సమస్యలు పెరిగే అవకాశం ఉంది. కాబట్టి ఆరోగ్యం విషయంలో జాగ్రత్తగా ఉండాలి. ఈ సమయంలో పెట్టుబడుల విషయంలో ప్రతికూల ఫలితాలు ఎదురవుతాయి. విద్యార్థులు విద్యలో కొన్ని సమస్యలను ఎదుర్కోవచ్చు. కోర్టు కేసులు ఎదుర్కొనే వారు చాలా శ్రద్ధగా ఉండాలి. మరోవైపు మతపరమైన పనులలో పాల్గొనడం వల్ల మీకు మానసిక ప్రశాంతత లభిస్తుంది.
గమనిక :
ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.
Read
Latest Astrology News
and
