Adani Stocks: అమెరికాకు చెందిన పెట్టుబడుల రీసెర్చ్ సంస్థ హిండెన్‌బర్గ్ నివేదిక తర్వాత అదానీ గ్రూప్ కంపెనీల షేర్లు భారీగా నష్టపోయిన సంగతి తెలిసిందే. ఇన్వెస్టర్లలో ఆందోళనతో అమ్మకాల ఒత్తిడి పెరిగింది. అయితే, ఇన్వెస్టర్లలో నమ్మకాన్ని పెంచేందుకు వివిధ రకాల చర్యలు చేపట్టింది అదానీ గ్రూప్. అదానీ పోర్ట్స్ అండ్ స్పెషల్ ఎకనామిక్ జోన్ కు చెంది రూ.5,000 కోట్ల లోన్లు చెల్లించడం, ఎఫ్‌పీఓ రద్దు చేయడం వంటివి చేసింది. దీంతో అదానీ గ్రూప్ షేర్లలో పెట్టుబడులు పెట్టేందుకు ఇన్వెస్టర్లు మొగ్గుచూపుతున్నారు. మంగళవారం ట్రేడింగ్‌లో గ్రూప్ సంస్థలో మార్కెట్ విలువ రూ.11,506 కోట్లు పెరిగింది. వరుసగా ఎనిమది రోజులు నష్టపోయిన తర్వాత ఇవాళ్టి ట్రేండింగ్‌లో కొనుగోళ్ల పర్వం నెలకొంది. కేవలం రెండు షేర్లు మినహా ఆ గ్రూప్ చెందిన అన్ని కంపెనీల షేర్లు ఆరంభం ట్రెడింగ్‌లో లాభాల్లోకి వచ్చాయి.
ఇవాళ్టి ట్రేడింగ్‌లో అదానీ ఎంటర్ ప్రైజెస్ షేరు ఏకంగా 13 శాతం మేర పెరిగి రూ.2038కి పెరిగింది. కంపెనీ మార్కెట్ విలువ సైతం రూ.2.32 లక్షల కోట్లకు చేరింది. అదానీ పోర్ట్స్ అండ్ స్పెషల్ ఎకనామిక్ జోన్ షేర్లు సైతం 7.24 శాతం మేర లాభపడ్డాయి. ప్రస్తుతం ఈ షేరు రూ.593.35 వద్ద ట్రేడవుతోంది. అదానీ ట్రాన్స్‌మిషన్ 5 శాతం మేర లాభపడగా.. అదానీ పర్ 4.99 శాతం వృద్ది చెందింది. మరోవైపు.. అదానీ విల్మర్ 4.99 శాతం పెరిగి అప్పర్ సర్క్యూట్‌ను తాకాయి. మరోవైపు.. ఇటీవలే అదానీ చేతికి వచ్చిన ఎన్డీటీవీ, అంబుజ సిమెంట్స్, ఏసీసీలు సైతం మంచి లాభాల్లో కొనసాగుతున్నాయి.
97721333
మరోవైపు.. అదానీ గ్రూప్‌లోని అదానీ టోటల్ గ్యాస్ 5 శాతం నష్టపోయింది. దాంతో పాటు అదానీ గ్రీన్ ఎనర్జీ 1.59 శాతం మేర పడిపోయింది. అదానీ గ్రూప్ చెందిన మొత్తం 10 కంపెనీలు స్టాక్ మార్కెట్‌లో లిస్ట్ అవ్వగా.. మంగళవారం నాటి ట్రేడింగ్‌లో 4 కంపెనీలు నష్టాల్లో ముగిశాయి. మంగళవారం నాటి ట్రేడింగ్‌లో అంబుజ సిమెంట్స్, ఏసీసీలో బుల్లీష్ ట్రెండ్ కొనసాగింది. 10 లిస్టెడ్ కంపెనీల్లో జనవరి 24న హిండెన్‌బర్గ్ నివేదిక విడుదలైన వేళ మార్కెట్ విలువ రూ. 19.20 ట్రిలియన్ మార్కెట్ విలువ ఉండగా.. మంగళవారం నాటి ట్రేడింగ్‌లో అదానీ గ్రూప్ మార్కెట్ విలువ రూ.9.93 ట్రిలియన్లుగా ఉంది.
Latest
Business News and Telugu News
Also Read:
15 శాతం ఉద్యోగులు ఔట్.. సీఈఓ గుడ్‌బై అంట
ూభావోద్వేగ పోస్ట్..
97724384
