హైదరాబాద్‌లో ఈ నెల 11 న నిర్వహించనున్న ఫార్ములా-ఈ కార్ రేసింగ్ పోటీలకు ప్రభుత్వం అన్ని ఏర్పాట్లు పూర్తి చేసింది. ఇండియాలో మొట్టమొదటిసారిగా జరుగుతున్న ఫార్ములా-ఈ కార్ రేసింగ్ పోటీలను తెలంగాణ ప్రభుత్వం ప్రతిష్ఠాత్మకంగా తీసుకుంది. ఫార్ములా- ఈ రేసింగ్ పోటీలను ప్రమోట్ చేసేందుకు తెలంగాణ ప్రభుత్వం గట్టిగానే ప్లాన్ చేసింది. ఇందుకోసం టాలీవుడ్‌ బ్లాక్‌బస్టర్ మ్యూజిక్ డైరెక్టర్ ఎస్ ఎస్ థమన్‌ను రంగంలోకి దింపింది. ఈ రేసింగ్ కోసం థమన్.. అదిరిపోయే పాటను స్వరపరిచాడు. అంతేకాదు.. ఆ పాటను టాప్ క్లాస్ ఆల్బమ్‌గా తీర్చిదిద్దారు కూడా. ఈ ఆల్బమ్‌లో సుప్రీమ్ హీరో సాయిధరమ్ తేజ్ కూజా గెస్ట్ అప్పియరెన్స్ ఇచ్చారు. హైదరాబాద్ నెటివిటీని ఎక్కడా వదిలిపెట్టకుండా.. వరల్డ్ క్లాస్ ఫార్ములా-ఈ రేసింగ్ ఈ వీడియోను థమన్ రిలీజ్ చేయగా.. హైదరాబాద్ వాసుల నుంచి మంచి ఆదరణ వస్తోంది.
కాగా.. ఈ ప్రతిష్టాత్మకమైన కార్యక్రమంలో తనను భాగస్వామ్యం చేసినందుకు మంత్రి కేటీఆర్‌కు థమన్ ధన్యవాదాలు తెలిపారు. మరోవైపు… సర్కార్ కూడా అన్ని ఏర్పాట్లు చకచకా చేసేస్తుంది. ఇప్పటికే రేసింగ్ కోర్టును అధికారులు సిద్ధం చేయగా.. పోటీలు నిర్వహించే ఎన్టీఆర్ మార్గ్ పరిసరాల్లో ట్రాఫిక్ ఆంక్షలు కూడా పెట్టారు. ఇదిలా ఉంటే.. ఇండియాలో మొదటిసారిగా జరుగుతున్న ఈ పోటీలపై ఆనంద్ మహీంద్రా లాంటి ప్రముఖ వ్యాపారవేత్తలు కూడా దృష్టి పెట్టారు.
97730898
Read More Telangana News And Telugu News
