సామాన్యులపై మళ్లీ ఈఎంఐల మోత.. వడ్డీ రేట్లు పెంచిన ఆర్‌బీఐ.. ఎక్కువ కట్టాల్సిందే!

RBI Repo Rate: రిజర్వ్ బ్యాంక్ ఆఫ్ ఇండియా అంతా ఊహించినట్లుగానే వడ్డీ రేట్లను పెంచింది. వరుసగా ఆరోసారి రెపో రేటును పెంచింది. అయితే ఈసారి కాస్త తక్కువగా 25 బేసిస్ పాయింట్ల మేర రెపో రేటును పెంచుతున్నట్లు ప్రకటించారు రిజర్వ్ బ్యాంక్ ఆఫ్ ఇండియా గవర్నర్ శక్తికాంత దాస్. దీంతో మొత్తం రెపో రేటు 6.50 శాతానికి చేరినట్లయింది. చివరిసారిగా గతేడాది డిసెంబర్‌లో ఆర్‌బీఐ ద్రవ్య పరపతి విధాన సమీక్ష జరగ్గా.. అప్పుడు 35 బేసిస్ పాయింట్ల మేర వడ్డీ రేటును పెంచింది RBI. ఇక గతేడాది మే నుంచి ఆర్‌బీఐ వడ్డీ రేట్లను ఏకంగా 225 బేసిస్ పాయింట్ల మేర పెంచడం గమనార్హం. ద్రవ్యోల్బణాన్ని కట్టడి చేసేందుకు కేంద్ర బ్యాంకులు వడ్డీ రేట్లను పెంచుకుంటూ పోతున్నాయి.

RBI రెపో రేటు పెంచిన నేపథ్యంలో.. వెంటనే ఈ భారాన్ని బ్యాంకులు నేరుగా కస్టమర్లకు బదిలీ చేస్తాయి. అంటే ఇప్పుడు బ్యాంకులు కూడా అన్ని రకాల లోన్లపై వడ్డీ రేట్లను పెంచుతాయి. రుణ ఆధారిత వడ్డీ రేట్లు (MCLR) పెంచితే.. వెంటనే ఆయా లోన్లపై వడ్డీ రేట్లను ఆటోమేటిక్‌గా పెరుగుతాయి. ఇక కట్టాల్సిన EMI లు పెరుగుతాయి. ఇదే సమయంలో ఫిక్స్‌డ్ డిపాజిట్లపై వడ్డీ రేట్లను కూడా పెంచి బ్యాంకులు కాస్త ఉపశమనం కల్పిస్తాయి.

అదానీ ఇష్యూ ఒక కంపెనీ సమస్య.. భారత్‌పై దాడి కాదు.. నిర్మలా సీతారామన్ కీలక వ్యాఖ్యలు

ప్రస్తుత ఆర్థిక సంవత్సరం నాలుగో త్రైమాసికంలో రిటైల్ ద్రవ్యోల్బణం 5.6 శాతంగా నమోదవుతుందని అంచనా వేస్తోంది రిజర్వ్ బ్యాంక్ ఆఫ్ ఇండియా. ఇక ఇదే సమయంలో ప్రస్తుత ఆర్థిక సంవత్సరం స్థూల దేశీయోత్పత్తి (GDP) అంచనాలను ప్రస్తుతం ఉన్న 6.8 శాతం నుంచి 7 శాతానికి పెంచింది. ఇక వచ్చే ఆర్థిక సంవత్సరం వృద్ధి రేటును 6.4 శాతంగా అంచనా వేస్తోంది. ప్రపంచవ్యాప్తంగా ఆర్థిక పరిస్థితులు ఇప్పటికీ అంతంతమాత్రంగానే ఉన్నాయని చెప్పారు శక్తికాంత దాస్.

ఇటీవల యూఎస్ ఫెడ్ కూడా వడ్డీ రేట్లను స్వల్పంగా పెంచింది. గతంలో 50, 75 బేసిస్ పాయింట్ల మేర వడ్డీ రేట్లను పెంచగా.. ఇటీవల 25 బేసిస్ పాయింట్ల మేర పెంచింది. అక్కడ ద్రవ్యోల్బణం అదుపులోకి వస్తున్న తరుణంలో ఇలా వడ్డీ రేట్ల పెంపు విషయంలో నెమ్మదించింది. తర్వాత బ్యాంక్ ఆఫ్ ఇంగ్లాండ్ కూడా వడ్డీ రేట్లను పెంచింది. ఇప్పుడు RBI వంతు వచ్చింది.

పెరుగుతున్న బంగారం ధరలు.. ఇప్పుడు కొనొచ్చా? హైదరాబాద్‌లో ఇవాళ్టి రేట్లు ఇవే..

Read Latest

Business News and Telugu News

Also Read:

అదానీతో సంబంధం.. లండన్‌లో ఆ కంపెనీలపై బ్రిటన్ నిఘాసంస్థల దృష్టి.. విచారణకు సిద్ధం!

15 శాతం ఉద్యోగులకు లేఆఫ్.. వాళ్ల కోసం అన్నీ వదులుకున్న సీఈఓ.. గుడ్‌బై అంటూ భావోద్వేగం!

Leave a Reply

Your email address will not be published. Required fields are marked *