Mahashivratri 2023 జ్యోతిష్యశాస్త్రం ప్రకారం, ఈ సంవత్సరం మహా శివరాత్రి వేళ ద్వాదశ రాశులలో ఏయే రాశుల వారికి శివుని ఆశీస్సులు లభించనున్నాయనే ఆసక్తికరమైన విషయాలను ఇప్పుడు తెలుసుకుందాం…
Mahashivratri 2023 హిందూ పంచాంగం ప్రకారం, ఈసారి ఫిబ్రవరి 18వ తేదీన అంటే శనివారం నాడు మహా శివరాత్రి పండుగ వచ్చింది. ప్రతి ఏటా మాఘ మాసంలో క్రిష్ణ పక్షంలో చతుర్దశి తిథి నాడు వస్తుంది. జ్యోతిష్యశాస్త్రం ప్రకారం, ఈసారి మహా శివరాత్రికి ఎంతో ప్రత్యేకత ఉంది. ఈసారి శివరాత్రి పండుగ వేళ అరుదైన శుభ యోగాలు ఏర్పడనున్నాయి. ఈ కాలంలో శని, చంద్రుడు, సూర్య గ్రహాలు కుంభరాశిలో త్రిగ్రాహి యోగాన్ని ఏర్పరచనున్నాయి. ఈ అరుదైన కలయిక వల్ల వృషభం, సింహం, వృశ్చికం, కుంభరాశులకు శుభ ఫలితాలు రానున్నాయి. మిధునం, కన్య, ధనస్సు, మీన రాశులకు హంస, మాళవ్య యోగాల వల్ల ప్రయోజనాలు కలగనున్నాయి. మేషం, కర్కాటకం, తుల, మకర రాశుల వారికి సాధారణ ఫలితాలు రానున్నాయి. ఇదిలా ఉండగా మహాశివరాత్రి వేళ పరమేశ్వరుని ప్రత్యేక అనుగ్రహం ఏ రాశుల వారిపై ఉంటుంది.. ఏ రాశుల వారు ఏ మంత్రాలను జపిస్తే కోరికలు నెరవేరుతాయనే పూర్తి విశేషాలను ఇప్పుడు తెలుసుకుందాం…
మేష రాశి(Aries)..
ఈ రాశి వారికి అంగారకుడు అధిపతిగా ఉంటాడు. వీరు ఈశ్వరుడికి ఎర్రని పువ్వులు, ఎర్ర చందనం, ఎర్రని రంగులో ఉండే పండ్లను సమర్పిస్తే శివుని ఆశీస్సులు లభిస్తాయి. శివ పూజ సమయంలో ‘నాగేశ్వరాయ నమః’ మంత్రాన్ని జపిస్తే మీ కోరికలు త్వరగా నెరవేరుతాయి.
Mahashivratri 2023 ఈసారి మహా శివరాత్రి పండుగ ఎప్పుడొచ్చింది… ఏ సమయంలో శివయ్యను పూజించాలి.. శుభ ముహుర్తమెప్పుడో చూడండి…
వృషభ రాశి (Taurus)..
ఈ రాశి వారికి శుక్రుడు అధిపతిగా ఉంటాడు. హిందూ పురాణాల ప్రకారం వృషభం శివయ్య వాహనంగా పరిగణిస్తారు. ఈ రాశి వారు తెల్లని మల్లెపువ్వులతో శివయ్యను పూజించాలి. ఇలా చేయడం వల్ల మీ కష్టాలు తొలగిపోతాయి. పరమేశ్వరుని ప్రత్యేక అనుగ్రహం కోసం శివ రుద్రాష్టకాన్ని పఠించాలి.
మిధున రాశి(Gemini)..
ఈ రాశి వారికి బుధుడు అధిపతిగా ఉంటాడు. మిధున రాశి వారు పరమేశ్వరునికి ధాతురా సమర్పించాలి. దీంతో పాటు ‘ఓం నమః శివాయ’ అనే పంచాక్షరీ మంత్రాన్ని జపించడం వల్ల మంచి ఫలితాలొస్తాయి.
కర్కాటక రాశి(Cancer)..
ఈ రాశి వారికి చంద్రుడు అధిపతిగా ఉంటాడు. శివుని తలపై చంద్రుడు ఉంటాడు. కాబట్టి కర్కాటక రాశి వారు శివ లింగానికి జనపనార కలిపిన పాలతో అభిషేకం చేయాలి. ఇలా చేయడం వల్ల శివుని అనుగ్రహం లభిస్తుంది.
సింహ రాశి(Leo)..
ఈ రాశి వారికి సూర్యుడు అధిపతిగా ఉంటాడు. సింహ రాశి వారు పరమేశ్వరుని పూజా సమయంలో ఎర్రని పువ్వులను సమర్పించాలి. శివాలయంలో శివ చాలీసా పారాయణం చేయడం వల్ల మీకు శుభ ఫలితాలొస్తాయి.
కన్య రాశి (Virgo)..
ఈ రాశి వారికి బుధుడు అధిపతిగా ఉంటాడు. ఈ రాశి వారు శివలింగంపై బిల్వ పత్రాలు, ధాతుర తదితర వస్తువులతో పూజలు చేయాలి దీంతో పంచాక్షరీ మంత్రాన్ని పఠిస్తే శుభ ఫలితాలొస్తాయి.
Trigrahi Yoga In Aquarius కుంభంలో త్రిగ్రాహి యోగంతో ఈ 6 రాశుల వారికి ఆకస్మిక ధన లాభం..! ఈ జాబితాలో మీ రాశి కూడా ఉందేమో చూసెయ్యండి…
తులా రాశి (Libra)..
ఈ రాశి వారికి శుక్రుడు అధిపతిగా ఉంటాడు. తీపి పదార్థాలు కలిపిన పాలతో శివలింగానికి అభిషేకం చేయడం వల్ల శుభ ఫలితాలొస్తాయి. అలాగే శివ సహస్రనామాలను పఠించడం వల్ల మంచి ప్రయోజనాలు చేకూరతాయి.
వృశ్చిక రాశి(Scorpio)..
ఈ రాశి వారికి అంగారకుడు అధిపతిగా ఉంటాడు. వీరు గులాబీ పువ్వులతో, బిల్వ పత్రాలను ఈశ్వరునికి సమర్పించాలి. మహా శివరాత్రి వేళ రుద్రాష్టకం పఠించడం వల్ల కష్టాలన్నీ తొలగిపోతాయి.
ధనస్సు రాశి (Sagittarius)..
ఈ రాశి వారికి గురుడు అధిపతిగా ఉంటాడు. ధనస్సు రాశి పసుపు రంగు బట్టలను ధరించి, శివరాత్రి వేళ తెల్లవారుజామునే పసుపు రంగు పువ్వులతో శివుడిని పూజించాలి. అనంతరం నైవేద్యం సమర్పించాలి. శివాష్టకం పఠించడం వల్ల కష్టాల నుంచి ఉపశమనం లభిస్తుంది.
మకర రాశి (Capricorn)..
ఈ రాశి వారికి శని దేవుడు అధిపతిగా ఉంటాడు. ఈ రాశి వారు భాంగ్, ధాతుర, అష్టగంధ తదితర వాటితో శివయ్యను పూజించడం వల్ల జీవితంలో ప్రశాంతత లభిస్తుంది. ‘పార్వతీనాథాయ నమః’ అనే మంత్రాన్ని జపించాలి.
కుంభ రాశి (Aquarius)..
ఈ రాశి వారికి శని దేవుడు అధిపతిగా ఉంటాడు. ఈ రాశి వారు శివలింగానికి చెరకు రసంతో అభిషేకం చేయడం వల్ల మంచి ఫలితాలను పొందుతారు. అలాగే శివాష్టకం పఠించాలి.
మీన రాశి (Pisces)..
ఈ రాశి వారికి గురుడు అధిపతిగా ఉంటాడు. మీన రాశి పాలు, పెరుగు, పసుపు రంగు పువ్వులను శివలింగానికి సమర్పించాలి. దీంతో పాటు ‘ఓం నమః శివాయ’ అనే పంచాక్షరీ మంత్రాన్ని చందన మాలతో 108 సార్లు జపించడం వల్ల మీ కుటుంబ జీవితంలో సంతోషం, సంపద పెరుగుతుంది.
గమనిక
: ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.
Read
Latest Astrology News
and
