భారతదేశంలో ప్రీమియం సెగ్మెంట్‌లో స్మార్ట్‌ఫోన్లను పరిచయం చేసిన వన్‌ప్లస్ (OnePlus) నుంచి మరో రెండు మొబైల్స్ రిలీజ్ అయ్యాయి. వన్‌ప్లస్ 11 5జీ, వన్‌ప్లస్ 11ఆర్ 5జీ (OnePlus 11R 5G) మోడల్స్‌ని లాంఛ్ చేసింది కంపెనీ. ఈ రెండు మొబైల్స్‌తో పాటు వన్‌ప్లస్ ప్యాడ్, వన్‌ప్లస్ బడ్స్ ప్రో 2 రిలీజ్ చేసింది కంపెనీ. వీటిలో వన్‌ప్లస్ 11ఆర్ 5జీ మిడ్ రేంజ్ సెగ్మెంట్‌లో రిలీజైంది. ఇందులో 120Hz సూపర్ ఫ్లూయిడ్ డిస్‌ప్లే, పవర్‌‌ఫుల్ ప్రాసెసర్, సూపర్ ఫాస్ట్ ఛార్జింగ్ లాంటి ఫీచర్స్ ఉన్నాయి. ప్రారంభ ధర రూ.39,999. ఆఫర్స్‌తో కొంటే సుమారు 10 శాతం వరకు డిస్కౌంట్ లభిస్తుంది. వన్‌ప్లస్ 11ఆర్ 5జీ విశేషాలు తెలుసుకోండి.
వన్‌ప్లస్ 11ఆర్ 5జీ ధర
వన్‌ప్లస్ 11ఆర్ 5జీ స్మార్ట్‌ఫోన్ రెండు వేరియంట్లలో రిలీజైంది. 8జీబీ ర్యామ్ + 128జీబీ స్టోరేజ్ వేరియంట్ ధర రూ.39,999 కాగా, 16జీబీ ర్యామ్ + 256జీబీ స్టోరేజ్ వేరియంట్ ధర రూ.44,999. గెలాటిక్ సిల్వర్, సోనిక్ బ్లాక్ కలర్స్‌లో కొనొచ్చు. ఫిబ్రవరి 28న సేల్ ప్రారంభం అవుతుంది. అమెజాన్‌తో పాటు వన్‌ప్లస్ అధికారిక వెబ్‌సైట్‌లో కొనొచ్చు.
Electric Bike: రూ.25 ఖర్చుతో 100 కిలోమీటర్ల ప్రయాణం… కొత్త ఎలక్ట్రిక్ బైక్ విశేషాలివే
వన్‌ప్లస్ 11ఆర్ 5జీ స్పెసిఫికేషన్స్
వన్‌ప్లస్ 11ఆర్ 5జీ డీటెయిల్డ్ స్పెసిఫికేషన్స్ చూస్తే ఇందులో 120Hz రిఫ్రెష్ రేట్‌తో 6.7 అంగుళాల సూపర్ ఫ్లూయిడ్ డిస్‌ప్లే ఉంది. క్వాల్కమ్ స్నాప్‌డ్రాగన్ 8+ జెన్ 1 ప్రాసెసర్‌తో పనిచేస్తుంది. గేమ్స్ ఆడేవారి కోసం హైపర్‌బూస్ట్ గేమింగ్ ఇంజిన్, అడాప్టర్ ఫ్రేమ్ స్టెబిలైజర్ 4.0 ఫీచర్స్ ఉన్నాయి. ఆండ్రాయిడ్ 13 + ఆక్సిజన్ ఆపరేటింగ్ సిస్టమ్‌తో పనిచేస్తుంది.
వన్‌ప్లస్ 11ఆర్ 5జీ స్మార్ట్‌ఫోన్ కెమెరా ఫీచర్స్ చూస్తే ఇందులో 50మెగాపిక్సెల్ Sony IMX890 ప్రైమరీ కెమెరా + 8మెగాపిక్సెల్ అల్ట్రావైడ్ కెమెరా + 2మెగాపిక్సెల్ మ్యాక్రో సెన్సార్లతో ట్రిపుల్ కెమెరా సెటప్ ఉంది. వన్‌ప్లస్ 11ఆర్ 5జీ స్మార్ట్‌ఫోన్‌లో సెల్ఫీలు, వీడియో కాల్స్ కోసం 16మెగాపిక్సెల్ ఫ్రంట్ కెమెరా ఉంది.
5G Smartphone: రూ.1,000 ఈఎంఐతో ఈ 5G మొబైల్ మీ సొంతం… 16GB వరకు ర్యామ్, 128GB స్టోరేజ్, మరెన్నో ఫీచర్స్
వన్‌ప్లస్ 11ఆర్ 5జీ కెమెరాలో నైట్‌స్కేప్, అల్ట్రా HDR, స్మార్ట్ సీన్ రికగ్నిషన్, పోర్ట్రెయిట్ మోడ్, ప్రో మోడ్, పనోరమా, టిల్ట్-షిఫ్ట్ మోడ్, లాంగ్ ఎక్స్‌పోజర్, డ్యూయల్-వ్యూ వీడియో, రీటచ్, మూవీ మోడ్, రా ఫైల్, ఫిల్టర్‌లు, సూపర్ స్టేబుల్, వీడియో నైట్‌స్కేప్, వీడియో HDR, వీడియో పోర్ట్రెయిట్, ఫోకస్ ట్రాకింగ్, టైమ్‌లాప్స్, మాక్రో మోడ్ లాంటి ఫీచర్స్ ఉన్నాయి. ఇందులో 5,000ఎంఏహెచ్ బ్యాటరీ ఉండగా, 100వాట్ ఫాస్ట్ ఛార్జింగ్ సపోర్ట్ చేస్తుంది.
