Adani LIC SBI: అమెరికా షార్ట్ సెల్లింగ్ సంస్థ హిండెన్‌బర్గ్ ఇటీవల అదానీ గ్రూప్‌పై సంచలన ఆరోపణలు చేసిన సంగతి తెలిసిందే. అదానీ గ్రూప్.. స్టాక్ మార్కెట్లో తీవ్ర అవకతవకలకు పాల్పడుతోందని, అకౌంటింగ్ ఫ్రాడ్స్ చేస్తోందని రిపోర్ట్ విడుదల చేసింది. రెండేళ్లకుపైగా పరిశోధన చేసి దీనిని విడుదల చేసినట్లు పేర్కొంది. సరిగ్గా అదానీ గ్రూప్ నుంచి అదానీ ఎంటర్‌ప్రైజెస్ ఫఆలో ఆన్ పబ్లిక్ ఆఫరింగ్‌కు (FPO) సరిగ్గా ఒక్కరోజు ముందే ఈ రిపోర్ట్ వచ్చింది. దీంతో అదానీ గ్రూప్ స్టాక్స్ తీవ్ర అమ్మకాల ఒత్తిడి నేపథ్యంలో కుదేలయ్యాయి. దాదాపు సగానికిపైగా మార్కెట్ విలువ పడిపోయింది. అదానీ వ్యక్తిగత సంపద కూడా సగానికిపైగా కోల్పోయింది.
ఈ నేపథ్యంలో అదానీ గ్రూప్ అప్పుల్లో చిక్కుకున్నట్లు తెలుస్తోంది. ఇప్పటికే అదానీ గ్రూప్ కంపెనీల్లో ప్రభుత్వ సంస్థ లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC) విస్తృతంగా పెట్టుబడులు పెట్టినట్లు తెలుస్తోంది. మరోవైపు.. ప్రభుత్వ రంగానికి చెందిన స్టేట్ బ్యాంక్ ఆఫ్ ఇండియా కూడా బాగానే అప్పులు ఇచ్చినట్లు సమాచారం. దీంతో ఈ సంస్థల్లో డిపాజిట్ చేసిన తమ డబ్బులపై కస్టమర్లు, డిపాజిట్ దారులు ఆందోళన చెందుతున్నారు.
అదానీకి బ్యాంకుల రుణాలు.. అది సమస్యే కాదంటూ ఆర్‌బీఐ గవర్నర్ కీలక వ్యాఖ్యలు!
మార్కెట్ నిపుణుల ప్రకారం.. అదానీ గ్రూప్ కంపెనీల్లో అమ్మకాల ఒత్తిడి ఉన్నప్పటికీ LIC కి ఇప్పటికే అదానీ గ్రూప్ నుంచి దాదాపు రూ.30 వేల కోట్ల మేర లాభం వచ్చినట్లు తెలుస్తోంది. మరోవైపు.. తాము ఇవ్వాల్సిన మొత్తం నుంచి అదానీ గ్రూప్‌కు ఇచ్చిన రుణాలు 0.90 శాతమేనని ఎస్‌బీఐ వెల్లడించింది. ఇది తిరిగి రాబట్టుకోవడానికి 9-10 నెలల సమయం సరిపోతుందని నిపుణులు చెబుతున్నారు. ఇంకా అదానీ గ్రూప్‌లో LIC ఇన్వెస్ట్‌మెంట్ సున్నాకు చేరినప్పటికీ.. ఎల్‌ఐసీ తనకు వచ్చిన లాభాలతో, చేతిలో ఉన్న నగదుతో ఈ లోటును పూడ్చుకోవచ్చని తెలుస్తోంది.
Loan EMI: వడ్డీ రేట్లు పెంచిన ఆర్‌బీఐ.. ఇది మీ లోన్ ఈఎంఐలపై ఎలా ప్రభావం చూపుతుందంటే?
ఐటీ ఉద్యోగులకు అత్యంత చేదు అనుభవం.. 600 మందిని పీకేసిన ఇన్ఫోసిస్.. ఆ ఒక్క కారణంతో!
Read Latest
Business News and Telugu News
20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.
Also Read:
పసిడి ప్రియులకు అలర్ట్.. హైదరాబాద్‌లో లేటెస్ట్ గోల్డ్ రేట్లు ఇవే.. ఇదే మంచి సమయమా?
ఏకంగా 96 శాతం పడిపోయిన అదానీ కంపెనీ లాభం.. మరీ రూ.9 కోట్లేనా?
