IND vs AUS 1st Test: నాగ్ పూర్ (Nagpur) టెస్టులో టీమిండియా (Team India) జయభేరి మోగించింది. మూడో రోజే గ్రాండ్ విక్టరీని సాధించింది. రెండో ఇన్నింగ్స్ లో ఏ మాత్రం పోరాటం చేయని ఆస్ట్రేలియా టీమింటియా ముందు మోకరిల్లింది. రెండో ఇన్నింగ్స్ లో కేవలం 2 గంటలు మాత్రమే బ్యాటింగ్ చేసిన కంగారూలు 32.3 ఓవర్లలో 91 పరుగులకు ఆలౌటైంది. దాంతో భారత్ ఇన్నింగ్స్ 132 పరుగుల తేడాతో ఘనవిజయం సాధించింది. భారత్ తరఫున రవిచంద్రన్ అశ్విన్ 5 వికెట్లతో చెలరేగితే.. రవీంద్ర జడేజా, మొహమ్మద్ షమీలు చెరో రెండు వికెట్లు తీశారు. మరో వికెట్ అక్షర్ పటేల్ ఖాతాలోకి చేరింది. ఆసీస్ తరఫున స్టీవ్ స్మిత్ (25) టాప్ స్కోరర్ గా నిలిచాడు. ఈ విజయంతో నాలుగు మ్యాచ్ ల టెస్టు సిరీస్ లో భారత్ 1-0తో ఆధిక్యంలో నిలిచింది.
