Cricketer Prithvi Shaw’s ‘Fan Nightmare: టీమిండియా యంగ్ ఓపెనర్ పృథ్వీ షా గొడవ వీడియో వెలుగులోకి వచ్చింది. ముంబయిలోని ఓ ఖరీదైన హోటల్‌కి ఫ్రెండ్‌తో కలిసి వెళ్లిన పృథ్వీ షా (Prithvi Shaw)తో సెల్ఫీలు తీసుకునేందుకు ఇద్దరు ఫ్యాన్స్ ప్రయత్నించారు. ఈ క్రమంలో చెలరేగిన వాగ్వాదం చివరికి గొడవకి దారితీసింది. అది ఎంత వరకూ వెళ్లిందంటే? పృథ్వీ షా కారుని వెంబడించి మరీ ఆ యువకులు రోడ్డుపైనే కారు అద్దాన్ని ధ్వంసం చేశారు. ఈ మేరకు ఓషివారా పోలీసులకి పృథ్వీ షా ఫిర్యాదు చేయగా.. ఇద్దరిని పోలీసులు అదుపులోకి తీసుకున్నారు. మరో ఆరుగురు పరారీలో ఉన్నారు.
పోలీసుల కథనం ప్రకారం.. పృథ్వీ షా, అతని ఫ్రెండ్ ముంబయిలోని ఓ లగ్జరీ హోటల్‌కి వెళ్లారు. అక్కడ క్రికెటర్‌ని చూసిన ఓ ఇద్దరు అభిమానులు సెల్ఫీ తీసుకునేందుకు ప్రయత్నించారు. దాంతో పృథ్వీ షా కూడా వారికి తొలుత అడ్డు చెప్పలేదు. కానీ ఆ ఇద్దరు అలానే ఫొటోలు తీసుకుంటూ క్రికెటర్‌ని ఇబ్బంది పెట్టారు. ఈ నేపథ్యంలో.. నొచ్చుకున్న పృథ్వీ షా సదరు హోటల్ మేనేజర్‌ని పిలిచి.. ఆ ఇద్దరిని అక్కడి నుంచి పంపించేయాలని రిక్వెస్ట్ చేశాడు. దాంతో హోటల్ సిబ్బంది బలవంతంగా ఆ ఇద్దరినీ హోటల్ వెలుపలికి పంపించేశారు.
కాసేపటి తర్వాత పృథ్వీ షా, అతని ఫ్రెండ్ కారులో హోటల్ వెలుపలికి రాగా.. ఆ సెల్ఫీలు తీసుకున్న ఇద్దరు ఫ్యాన్స్ మరికొంత మంది వ్యక్తులతో కలిసి బేస్‌బాల్ బ్యాట్స్‌తో హోటల్ వెలుపల వెయిట్ చేస్తూ కనిపించారు. దాంతో.. పృథ్వీ షాకి విషయం అర్థమై.. కారుని అక్కడ ఆపకుండా వేగంగా పోనిచ్చాడు. అయితే.. పృథ్వీ షా కారుని వాహనంలో వెంబడించిన ఆ యువకులు ఓషివారా ట్రాఫిక్ సిగ్నల్ వద్ద ఆ కారు ఆగగానే నేరుగా వెళ్లి .. బ్యాట్‌తో కారు అద్దాన్ని ధ్వంసం చేశారు.
కారు అద్దం ధ్వంసం చేయడంతో పాటు పృథ్వీ షాతోనూ వారు గొడవకి దిగారు. అలానే క్రికెటర్, అతని ఫ్రెండ్‌ని బెదిరించి రూ. 50 వేలు డిమాండ్ చేసినట్లు కూడా ఫిర్యాదులో షా పేర్కొన్నాడు. ఈ వీడియో ఇప్పుడు సోషల్ మీడియాలో వైరల్‌గా మారింది.
Read Latest
Sports News
,
Cricket News
,
