Mahashivratri 2023 మహా శివరాత్రి వేళ ఇంట్లోనే శివుడిని ఎలా ఆరాధించాలి… పూజా విధానాలేంటో తెలుసుకోండి…

Mahashivratri 2023 హిందూ క్యాలెండర్ ప్రకారం, ప్రతి సంవత్సరం మాఘ మాసంలో క్రిష్ణ పక్షంలో వచ్చే చతుర్దశి రోజున మహా శివరాత్రి పండుగను జరుపుకుంటారు. ఈసారి 18 ఫిబ్రవరి 2023న శనివారం రోజున వచ్చింది…

Mahashivratri 2023 తెలుగు పంచాంగం ప్రకారం, ప్రతి నెలలో మాస శివరాత్రి సాధారణంగా వస్తుంది. అయితే మాఘ మాసంలో వచ్చే శివరాత్రిని మహా శివరాత్రి అని.. ఈరోజు కోసం ఏడాది పొడవునా శివ భక్తులందరూ ఎంతో ఆసక్తిగా ఎదురుచూస్తూ ఉంటారు. మహా శివరాత్రి వంటి పవిత్రమైన రోజున శివ లింగానికి జలాభిషేకం చేసి ప్రత్యేక పూజలు నిర్వహిస్తారు. అదేవిధంగా రుద్రాభిషేకం చేయడం వల్ల శుభ ఫలితాలొస్తాయని.. తమ కోరికలన్నీ నెరవేరుతాయని నమ్ముతారు. ఇదిలా ఉండగా.. మహా శివరాత్రి రోజున పరమేశ్వరుడిని ఇంట్లోనే ఎలా పూజించాలి. శివ పురాణం, గరుడ పురాణం ప్రకారం శివయ్య అనుగ్రహం పొందడానికి ఎలాంటి నియమాలు పాటించాలి.. శివరాత్రి వేళ ఈశ్వరునికి ప్రత్యేక పూజలు చేయడం వల్ల కలిగే ప్రయోజనాలేంటనే ఆసక్తికరమైన విశేషాలను ఇప్పుడు తెలుసుకుందాం…

pc :

pixabay

ఇంట్లో పూజా విధానం..

* మహా శివరాత్రి రోజున సూర్యోదయం కంటే ముందే నిద్ర లేచి స్నానం చేయాలి.

* ఇంట్లో పూజా గదిలో శివలింగం లేదా ఈశ్వరుని ఫోటో ఎదుట దీపం వెలిగించాలి.

* శివ పూజ చేసే సమయంలో ‘ఓం నమః శివాయ’ అనే పంచాక్షరీ మంత్రాన్ని జపించాలి. రుద్రాక్షలను శివ లింగం దగ్గర ఉంచాలి.

* అనంతరం కర్పూరం వెలిగించాలి. గంట మోగిస్తూ పూజను ప్రారంభించాలి.

* శివ లింగానికి అభిషేకం చేయడానికి గంగాజలం, పాలు, తేనే, నెయ్యి, పెరుగును దగ్గర ఉంచుకోవాలి.

Mahashivratri 2023 మహా శివరాత్రి రోజున ఏ రంగు దుస్తులు ధరిస్తే శుభ ఫలితాలొస్తాయో తెలుసా…!

శివుడికి అభిషేకం చేసే సమయంలో..

హిందూ పురాణాల ప్రకారం, ఇంట్లో పరమేశ్వరుని పూజ చేసే సమయంలో పాలు, తేనే సమర్పించే సమయంలో శివుడు తాండవం చేస్తాడని చాలా మంది నమ్ముతారు. ఈ నాట్యం సమయంలోనే పునరుద్ధరణ చక్రం వర్ణించబడింది. హిందూ మత విశ్వాసాల ప్రకారం, ఇంట్లో శివ పూజ చేయడం వల్ల కుటుంబంలోని కష్టాలన్నీ తొలగిపోతాయని.. ప్రతికూల ఫలితాల ప్రభావం తగ్గుతుందని నమ్ముతారు. కాబట్టి మహా శివరాత్రి రోజున భక్తి శ్రద్ధలతో ఈశ్వరుడిని పూజించడం వల్ల ప్రతి సమస్యను సులభంగా అధిగమించొచ్చు.

నాలుగు దశల పూజలు..

మహా శివరాత్రి రోజున జాగరణ సమయంలో నాలుగు దశల పూజలు చేయాలి..

మొదటి పూజ సాయంత్రం 6 గంటల నుంచి రాత్రి 9 గంటల వరకు..

రెండో పూజ రాత్రి 9 గంటల నుంచి రాత్రి 12 గంటల వరకు

మూడో పూజ అర్ధరాత్రి 12 గంటల నుంచి తెల్లవారుజామున 3 గంటల వరకు

నాలుగో పూజ తెల్లవారుజామున 3 గంటల నుంచి ఉదయం 6 గంటల వరకు

మహా శివరాత్రి మరుసటి రోజున..

మహా శివరాత్రి వేళ జాగరణ సమయంలో శివునికి సంబంధించిన కథలను వినాలి. అదే సమయంలో ఆహుతులను సమర్పించాలి. మహా శివరాత్రి మరుసటి రోజున ఆహారం, వస్త్రాలను, ఛత్రం వంటి వాటిని దానం చేయాలి. అనంతరం శివ పార్వతుల ఫొటోలకు లేదా విగ్రహాలకు పువ్వులు, బిల్వ పత్రాలు సమర్పించాలి. ఇలా చేయడం వల్ల శివుని అనుగ్రహం తప్పక లభిస్తుందని చాలా మంది నమ్ముతారు.

గమనిక

: ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది.

Read

Latest Religion News

and

Telugu News

Posted in Uncategorized

Leave a Reply

Your email address will not be published. Required fields are marked *