కొన్ని సార్లు రోడ్ల మీద ప్రయాణించేటప్పుడు రోడ్డుపైన ఆవులు, గేదెలను, కుక్కలను చూస్తూంటాం. అవి కొన్నిసార్లు .. రోడ్లను దాటేటప్పుడు వాహనాల కిందకు వస్తుంటాయి. కొంత మంది వాహనాదారులు మితిమిరిన స్పీడ్ లో ప్రయాణిస్తుంటారు. అలాంటి సందర్భాలలో.. ఇలాంటి జంతువులు అడ్డంగా వస్తే ప్రమాదాలు జరుగుతుంటాయి. కొన్నిసార్లు జంతువులు లేదా వాహనాలు పూర్తిగా దెబ్బతిని, వాహనాలను నడిపేవారుకూడా మరణించే సంఘటనలు జరుగుతుంటాయి.
అయితే.. కొంత మంది మాత్రం చాకచక్యంగా వేగంగా వెళ్తున్నవాహనాలను కంట్రోల్ చేస్తుంటారు. ఇలాంటి సందర్భాలలో ప్రమాదాలు రెప్పపాటులో తప్పిపోతుంటాయి. మనం కొన్నిసార్లు వాహనాలలో పాములను ఇంజిన్ లో దూరిన సంఘటనలు చూస్తుంటాం. అయితే.. ఇప్పుడు మాత్రం ఏకంగా ఒక వీధి కుక్క కారు బంపర్ లో ఇరుక్కుపోయింది. ప్రస్తుతం ఈ ఘటన వార్తలలో నిలిచింది.
పూర్తి వివరాలు.. కర్ణాటకలోని (karnataka) సుల్లియా తాలూకాలోని బల్పా గ్రామంలో వీధి కుక్క కారును ఢీకొట్టింది. డ్రైవర్ వెంటనే కారును ఆపి, అతను ఏమి కొట్టాడో తనిఖీ చేయడానికి దిగాడు. కానీ అతనికి ఏమీ కనిపించకపోవడంతో అక్కడి నుంచి 60 కిలోమీటర్ల దూరంలో ఉన్న పుత్తూరుకు వెళ్లిపోయాడు. ఈ క్రమంలో.. అక్కడ డ్రైవర్ కారును సర్వీసింగ్ కోసం ఇచ్చాడు . అప్పుడు టెక్నీషియన్ కారును పూర్తిగా చెక్ చేస్తున్నాడు. ఇంతలో కారు బంపర్ ను తనిఖీ చేయడానికి బానెట్ తెరిచాడు. అక్కడి నుంచి ఒక వీధి కుక్క బయటకు వచ్చింది.. వెంటనే అక్కడున్న వారంతా షాక్ కు గురయ్యారు.
ముదురు నలుపు రంగులో ఉన్న ఆడ కుక్క బయటకు వచ్చింది. కానీ అది ఏమాత్రం గాయపడలేదు. అయితే, అక్కడ కుక్క ఎలా చిక్కుకుందని అందరు ఆశ్చర్యపోయారు. కుక్క వీడియోను పలువురు యూజర్లు సోషల్ మీడియాలో షేర్ చేయడంతో ఈ మొత్తం ఈవెంట్ వైరల్‌గా మారింది. బల్పా గ్రామంలో 5 సంవత్సరాల బాలిక, తాను రోజూ తినిపించే వీధి కుక్క ఎక్కడా కనిపించడం లేదని టెన్షన్ పడింది. అప్పుడు.. ఫారెస్ట్ ఆఫీసర్ అయిన ఆమె తండ్రి సంతోష్ రాయ్ ఈ కుక్క కథ యొక్క వీడియోను సోషల్ మీడియాలో చూశాడు. ఆయన కూతురు కూడా వీడియో చూసి, ఇది తమ శునకం అని రోజు దానికి తాను ఆహారం పెడుతానంటూ తండ్రితో చెప్పింది.
వెంటనే తన కుక్క తనకు కావాలని కోరడంతో, మిస్టర్ రాయ్ పుత్తూరు వరకు ప్రయాణించి, కాసేపు స్నేహితుడితో కలిసి కుక్క కోసం వెతికారు. వెంటనే గుర్తించిన కుక్కను వారు గుర్తించారు. ఆ తరువాత, వారు ఆమెకు పట్టీ వేసి ఇంటికి తీసుకువచ్చారు. సాన్విత ను చూడగానే కుక్క ఆమెను ప్రేమతో దగ్గరకు వెళ్లింది. ఆనందంతో గెంతుతోంది. కుక్కకు 3 అందమైన పిల్లలు కూడా ఉన్నాయి. మరల కుక్కను ఇక్కడకు తేవడంతో తల్లితో కుక్కపిల్లలు ఒక దగ్గర కూర్చున్నాయి.
