తిరుమలలో ఎన్నాళ్లకెన్నాళ్లకు.. మళ్లీ అదే సెంటిమెంట్ రిపీట్!

తిరుమల శ్రీవారి హుండీకి కాసుల వర్షం కొనసాగుతోంది. భక్తుల రద్దీని బట్టి.. భారీగా ఆదాయం సమకూరుతోంది. అయితే గత నెలలో శ్రీవారి హుండీకి సోమవారం సెంటిమెంట్ కొనసాగగా.. ఈ నెల కూడా అదే సెంటిమెంట్ రిపీట్ అవుతోంది. మళ్లీ శ్రీవారికి భారీ ఆదాయం వచ్చింది.. గత నెల ఒకరోజు ఆదాయం రికార్డును బ్రేక్ చేసింది. చానాళ్ల తర్వాత ఇంత భారీ స్థాయిలో శ్రీవారి హుండీకి ఆదాయం వచ్చింది.

సోమవారం స్వామివారిని 74,617 మంది భక్తులు దర్శించుకున్నారు. శ్రీవారి హుండీ ఆదాయం ఏకంగా రూ.5.67 కోట్లు వచ్చింది. 32,752 మంది భక్తులు స్వామివారికి తలనీలాలు సమర్పించి మొక్కులు చెల్లించుకున్నారని టీటీడీ తెలిపింది. ఇక మంగళవారం కూడా రద్దీ కొనసాగుతోంది. స్వామివారి దర్శనం కోసం నేడు 31 కంపార్టుమెంట్లలో భక్తులు వేచి ఉన్నారు. సర్వదర్శనం టికెట్లు లేని భక్తులకు ఏకంగా 24 గంటల సమయం పడుతోంది.

గత నెలలో తిరుమల శ్రీవారి హుండీకి సోమవారం సెంటిమెంట్ కొనసాగింది. జులైలో వరుసగా నాలుగు సోమవారాలు భారీగా ఆదాయం సమకూరింది. గత నెలలో 10, 17, 24, 31 తేదీల్లో (ఈ నాలుగు సోమవారాల్లో) హుండీ ఆదాయం రూ.5 కోట్ల మార్క్‌ను అందుకోవడం విశేషం. జులై 10న రూ.5.11 కోట్ల ఆదాయం రాగా.. జులై 17న రూ.5.40 కోట్ల ఆదాయం సమకూరింది. జులై 24న చూస్తే హుండీ ఆదాయం రూ.5 కోట్లు వచ్చింది. ఇక 31న హుండీ ఆదాయం రూ.5.21 కోట్లు సమకూరింది. జులైలో ఇలా వరుసగా నాలుగు సోమవారాలు ఆదాయం రూ.5 కోట్లు వరకు రావడం ఆసక్తికరంగా మారింది.

శ్రీవారి హుండీకి కేవలం సోమవారమే ఇలా రూ.5 కోట్ల ఆదాయం సమకూరడానికి ప్రత్యేకంగా కారణాలు లేవనే అంటున్నారు. తిరుమల శ్రీవారి ఆలయంలో.. నిర్ణీత సమయంలో హుండీలు నిండిన వెంటనే పరకామణికి తీసుకెళ్లి లెక్కించడం ఆనవాయితీ. అలాగే శని, ఆదివారాల్లో భక్తులు రద్దీ ఉంటుంది.. అందుకే సోమవారం ఆదాయం పెరిగే అవకాశం ఉందంటున్నారు. భక్తుల రద్దీని బట్టి కూడా ఆదాయంలో హెచ్చు, తగ్గులు ఉంటాయంటున్నారు.

మార్చి నెల నుంచి ఇప్పటి వరకు ఒకటి, రెండు రోజులు మినహా భక్తుల రద్దీ కొనసాగుతూనే ఉంది. మరోవైపు శ్రీవారి హుండీకి గతేడాది మార్చి నుంచి రికార్డు స్థాయిలో ఆదాయం వస్తోంది. గతేడాది మార్చిం నుంచి ఈ ఏడాది జులై వరకు చూస్తే.. ప్రతి నెలా రూ.100 కోట్ల మార్కును అందుకుంటోంది. మొత్తం మీద తిరుమల శ్రీవారి హుండీకి భారీగా ఆదాయం సమకూరుతోంది.

  • Read Latest Andhra Pradesh News and Telugu News

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

Leave a Reply

Your email address will not be published. Required fields are marked *