Blood Circulation: మనం ఆరోగ్యంగా ఉండటానికి, మన శరీరంలో రక్తప్రసరణ మెరుగ్గా జరగడం చాలా ముఖ్యం. రక్తప్రసరణ సక్రమంగా జరిగితే.. గుండె ఆరోగ్యంగా ఉంటుంది, రోగనిరోధకశక్తి మెరుగుపడుతుంది.
Blood Circulation: మానవ శరీరంలో రక్త ప్రసరణ చాలా ముఖ్యమైన ప్రక్రియ. దీని ద్వారానే శరీరానికి అవసరమైన పోషకాలు, ఆక్సిజన్‌ను అందేలా చేస్తుంది. రక్తప్రవాహం మెరుగ్గా ఉంటే.. గాయాలు త్వరగా మానుతాయి, రోగనిరోధక వ్యవస్థ పనితీరుకు మద్దతు ఇస్తుంది. ఇన్ఫెక్షన్లకు వ్యతిరేకంగా శరీరం రక్షణ వ్యవస్థను మెరుగుపరుస్తుంది. మీరు ఆరోగ్యంగా, ఎక్కువ కాలం బతకడానికి రక్తప్రసరణ తోడ్పడుతుంది. రక్త ప్రసరణ సరిగా లేకపోతే జుట్టు, చర్మ సంబంధిత సమస్యలతోపాటు అలసట ఎక్కువగా ఉంటుంది. రక్తప్రసరణ సరిగ్గా జరగకపోతే.. గుండె సమస్యల ముప్పు పెరుగుతుంది. ఈ నేపథ్యంలో రక్తప్రసరణ సక్రమంగా జరగడం చాలా ముఖ్యం. కొన్ని అలవాట్లు, మన శరీరంలో రక్తప్రసరణ మెరుగ్గా జరిగేలా చూసుకుంటాయి.
ఫిజికల్‌గా యాక్టివ్‌గా ఉండండి..
ఫిజికల్‌గా యాక్టివ్‌గా ఉంటే.. శరీరంలో రక్త ప్రసరణ మెరుగ్గా జరుగుతుందని నిపుణులు చెబుతున్నారు. రోజుకు కనీసం 30 నిమిషాల పాటు వాకింగ్‌, జాగింగ్‌, స్విమ్మింగ్‌, సైక్లింగ్‌ వంటి యాక్టివిటీస్‌ చేయాలని నిపుణులు సూచిస్తున్నారు. ఈ వ్యాయామాలు, మీ గుండెను మరింత సమర్థవంతంగా పనిచేయడానికి, మీ శరీరం అంతటా రక్త ప్రవాహం మెరుగుపరచడానికి తోడ్పడతాయి. వ్యాయామం నైట్రిక్ ఆక్సైడ్ ఉత్పత్తిని ప్రేరేపిస్తుంది, ఇది రక్త నాళాలను సడలిస్తుంది, రక్తప్రవాహాన్ని మెరుగుపరుస్తుంది.
(image source -pixabay)
101360139
పోషకాహారం తీసుకోండి..
మనం తీసుకునే ఆహారం రక్త ప్రసరణలో ముఖ్యమైన పాత్ర పోషిస్తుంది. యాంటీఆక్సిడెంట్లు, లీన్ ప్రోటీన్లు అధికంగా ఉండే పండ్లు, కూరగాయలు, తృణధాన్యాలు మీ డైట్‌లో చేర్చుకోండి. పాలకూర, నారింజ, వెల్లుల్లి, బాదం, గుమ్మడి వంటి ఆహార పదార్థాల్లో విటమిన్లు సి, ఇ, కె వంటి పోషకాలు మెండుగా ఉంటాయి, ఇవి రక్తనాళాల ఆరోగ్యం, విస్తరణకు తోడ్పడతాయి. చేపలు, అవిసె గింజల్లోని ఒమేగా – 3 ఫ్యాటీ యాసిడ్స్‌ శరీరంలోని మంటను తగ్గిస్తాయి, రక్తప్రవాహాన్ని ప్రోత్సహిస్తాయి.
(image source -pixabay)
హైడ్రేట్‌గా ఉండండి..
శరీరంలో రక్తప్రసరణ మెరుగ్గా జరగడానికి, హైడ్రేట్‌గా ఉండటం చాలా ముఖ్యం. రక్తంలో గణనీయమైన భాగం నీరు ఉంటుంది. డీహైడ్రేషన్‌ కారణంగా రక్తం చిక్కబడుతుంది. ఇది గుండెను పంప్ చేయడం, ప్రసరించడం కష్టతరం చేస్తుంది. మీరు హైడ్రేట్‌గా ఉండటానికి ప్రతిరోజూ కనీసం 8 గ్లాసుల నీరు తాగండి. జ్యూస్‌, నిమ్మరసం వంటి ద్రవ పదార్థాలు తీసుకోండి.
(image source -pixabay)
Health Care: సడెన్‌గా బరువు పెరిగారా..? ఈ సమస్యలు కావచ్చు..!
స్మోకింగ్‌ మానేయండి..
స్మోకింగ్‌ రక్త నాళాలను దెబ్బతీస్తుంది, రక్త ప్రవాహాన్ని తగ్గిస్తుంది. శరీరంలో రక్త ప్రసరణను గణనీయంగా ప్రభావితం చేస్తుంది. శరీరంలో రక్తప్రవాహాన్ని మెరుగుపరచడానికి, స్మోకింగ్‌కు దూరంగా ఉండండి. అలాగే, కెఫిన్‌ అధికంగా ఉండే ఆహార పదార్థాలు ఎక్కవగా తీసుకుంటే.. రక్తనాళాల సంకోచానికి కారణమవుతుంది. కెఫిన్‌ రక్త నాళాలను తగ్గిస్తుంది, రక్త ప్రవాహాన్ని తగ్గిస్తుంది. (image source -pixabay)
మీ ఒత్తిడిని తగ్గించుకోండి..
దీర్ఘకాలిక ఒత్తిడి రక్త ప్రసరణను ప్రతికూలంగా ప్రభావితం చేస్తుంది. గుండె జబ్బులు, ప్రసరణ సమస్యల ప్రమాదాన్ని పెంచుతుంది. ధ్యానం, లోతైన శ్వాస వ్యాయామాలు, యోగా, ప్రకృతిలో సమయం గడపడం వంటివి ఒత్తిడిని తగ్గిస్తాయి. ఇవి శరీరంలో కార్టిసాల్ స్థాయిలను తగ్గిస్తాయి, ఆరోగ్యకరమైన రక్త నాళాలను ప్రోత్సహిస్తాయి, రక్త ప్రవాహాన్ని మెరుగుపరుస్తాయి.
(image source -pixabay)
Buddhas Hand: ఈ పండుతో.. క్యాన్సర్‌కు చెక్‌ పెట్టేయండి..!
ఎక్కువ సేపు కూర్చోవద్దు..
మీది ఎక్కువ సేపు కూర్చునే, నిలబడే పని అయితే మీ కాళ్లలో రక్తం చేరి, రక్త ప్రసరణ సరిగా జరగదు. మీరు పని మధ్యలో కొంతసేపు నడిస్తే.. గుండెకు రక్తం తిరిగి రావడానికి సహాయపడుతుంది. మీరు లెగ్‌ వ్యాయామాలు చేస్తే.. మీ రక్తప్రసరణ మెరుగుపడుతుంది.
(image source -pixabay)
గమనిక:
నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
