మహిళలకు గుడ్‌న్యూస్.. ఫ్రీగా గ్యాస్ సిలిండర్, స్టవ్‌.. సబ్సిడీ కూడా.. ఎలా అప్లై చేసుకోవాలి?

Free Gas Connection: మహిళలు ఉచితంగా గ్యాస్ సిలిండర్, ఇంకా గ్యాస్ స్టవ్ పొందొచ్చు. ఇది అందరికీ వర్తించదు. అర్హత ఉన్న మహిళలకే. ప్రధాన్ మంత్రి ఉజ్వల యోజన కింద కొత్తగా 75 లక్షల కనెక్షన్లు ఇస్తామని కేంద్రం ప్రకటించింది. రానున్న మూడేళ్లలో ఇంత మందికి కొత్తగా గ్యాస్ స్టవ్, గ్యాస్ సిలిండర్లు ఇవ్వనుంది. ఈ పథకం అమలు కోసం ఒక్కో కనెక్షన్‌పై కేంద్రానికి రూ. 2200 చొప్పున ఖర్చు అుతుంది. మొత్తం రూ.1650 కోట్ల నిధుల విడుదలకు కూడా కేంద్ర ప్రభుత్వం ఆమోదం ఇప్పటికే లభించింది. 2016 మే1న ఉత్తర్‌ప్రదేశ్‌లో లక్షలాది కుటుంబాలకు వంట గ్యాస్ అందించాలనే గొప్ప లక్ష్యంతో ఇది ప్రారంభమైంది.

గ్రామీణ, పట్టణ ప్రాంతాల్లో వెనుకబడిన వర్గాలకు, దారిద్ర్యరేఖకు దిగువన ఉన్న వారికి అర్హులకు ఈ స్కీం వర్తిస్తుంది. కొత్తగా 75 లక్షలతో కలిపి ఈ స్కీం లబ్ధిదారుల సంఖ్య 10.35 కోట్లకు చేరుతుంది.

అర్హతలేంటి?

ఉజ్వల స్కీమ్ దరఖాస్తు దారు తప్పనిసరిగా మహిళ అయి ఉండాలి.

అర్హత వయసు 18 సంవత్సరాలు దాటితే సరిపోతుంది.

కుటుంబ వార్షిక ఆదాయం రూ. లక్ష లోపు ఉండాలి.

ఇంట్లో గ్యాస్ కనెక్షన్ అప్పటి వరకు ఉండకూడదు.

దరఖాస్తుదారు రేషన్ కార్డు సహా ఇంట్లోవారి ఆధార్ కార్డులు అవసరం పడతాయి. బ్యాంక్ అకౌంట్ కూడా ఉండాలి.

పండగల వేళ స్పెషల్ ఆఫర్.. 8.45 శాతం వడ్డీకే హోం లోన్.. లక్షకు ఎంత ఈఎంఐ కట్టాలంటే?

కేంద్రం షాకింగ్ నిర్ణయం.. మళ్లీ విండ్‌ఫాల్ టాక్స్ భారీగా పెంపు.. నేటి పెట్రోల్, డీజిల్ ధరలు

ఎలా అప్లై చేసుకోవాలి?

ప్రధాన్ మంత్రి ఉజ్వల పథకానికి అర్హులైన వారు అధికారిక వెబ్‌సైట్ ఓపెన్ చేసి దాంట్లో డౌన్‌లోడ్ ఫారం ఆప్షన్ సెలక్ట్ చేసుకోవాలి.

తర్వాత ఒక ఫారం డౌన్‌లోడ్ అవుతుంది. దాంట్లో అడిగిన వివరాలు ఫిల్ చేయాల్సి ఉంటుంది.

వివరాల్ని ఫిల్ చేసిన తర్వాత సమీపంలోని గ్యాస్ ఏజెన్సీలో సమర్పించాలి. దీనికి అవసరమైన రేషన్ కార్డ్, మొబైల్ నంబర్, ఫొటో వంటివి కూడా అందించాల్సి ఉంటుంది.

సంబంధిత డాక్యుమెంట్లు అన్నీ సరిగ్గా ఉంటే.. వెరిఫికేషన్ తర్వాత కొత్త కనెక్షన్ పొందుతారు.

లేదా ఆథరైజ్డ్ ఎల్‌పీజీ డిస్ట్రిబ్యూటర్ అవుట్‌లెట్‌లో కూడా దరఖాస్తు చేసుకోవచ్చు. సదరు డిస్ట్రిబ్యూటర్ ఆయిల్ మార్కెటింగ్ కంపెనీకి దరఖాస్తు పంపిస్తే.. అక్కడ ఆమోదం లభిస్తే ఫ్రీగా గ్యాస్ కనెక్షన్ లభిస్తుంది.

ఈ ఉజ్వల పథకం కింద మొదటిసారి స్టవ్, తొలి గ్యాస్ సిలిండర్ ఫ్రీగా వస్తుంది. తర్వాత నుంచి వచ్చే గ్యాస్ సిలిండర్‌పై సబ్సిడీ వస్తుంది. ఏటా 12 గ్యాస్ సిలిండర్లపై సబ్సిడీ ఉంటుంది. ఇది తొలుత రూ.200 సబ్సిడీగా ఉండగా.. ఇటీవల మరో రూ. 200 తగ్గించగా మొత్తం రూ.400 సబ్సిడీ లభిస్తుంది. అంటే రూ.1100 గ్యాస్ సిలిండర్ ధర అనుకుంటే వీరికి రూ. 700కే వస్తుందని చెప్పొచ్చు.

అదిరిపోయే న్యూస్.. ఐపీఓకు 11 లక్షల కోట్ల విలువైన టాటా కంపెనీ.. RBI హెచ్చరిక!

రెండు సార్లు బోనస్ షేర్లతో అద్భుతం.. లక్షకు రూ. 21 లక్షల లాభం.. మరో బంపర్ ఆఫర్!

Read Latest

Business News and Telugu News